“Veriləcək qərara ümidlərim böyükdür. Çünki Beynəlxalq Atletika Federasiyası (İAAF) da Ramil Quliyevin Olimpiadada iştirak etməsini istəyir”. Apasport.az saytının məlumatına görə, bunu Türkiyə Atletika Federasiyasının (TAF) prezidenti Mehmet Terzi deyib.

Qurum rəhbəri “ay-ulduzlu” formanı seçən azərbaycanlı sprinter Ramil Quliyevlə bağlı məsələlərə aydınlıq gətirib. Terzi bildirib ki, 1 il öncə Türkiyə vətəndaşlığını qəbul edən atletlə bağlı İAAF-ın qərarını gözləyirlər: “Quliyevin Olimpiadaya yollanması üçün bütün lazımı işləri davam etdiririk. O da öz növbəsində London-2012-yə hazırlaşır. Lakin onun Türkiyə adına yarışması üçün İAAF-ın qərarını gözləyirik. Quliyev, daha öncə başqa 1 ölkəni təmsil etdiyi üçün 3 il gözləməsi lazımdır. Amma vətəndaşı olduğu ilk ölkənin və ya İAAF-ın icazəsi nəticəsində atlet Olimpiadada “ay-ulduzlu” formanı geyinə bilər”.

Qeyd edək ki, TAF İstanbulda keçirilən dünya çempionatında İAAF prezidenti Lamine Dyarkla görüşərək, Quliyevin məsələsində kömək istəyiblər.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək