Azərbaycanlı sprinter Ramil Quliyevin Türkiyə yığmasının heyətində Olimpiadaya yollanmaq şansı günbəgün azalır. Apasport.az saytının məlumatına görə, ötən il qonşu ölkə vətəndaşlığını seçən həmyerlimiz Beynəlxalq Atletika Federasiyasının (İAAF) yekun qərarını gözləyir.

Lakin idmançı məşqlərinə ara verməyərək, hazırlığını davam etdirir. Türkiyəli həmkarlarımızla söhbətində bunu bir daha vurğulayan Ramil artıq zədəsinin də sağalmaq üzrə olduğunu bildirib: “İzmirdə keçirilən Superliqa yarışında 100 m məsafəni 10,64 saniyəyə qət etdim və çempion oldum. Qarşıdakı həftədə Ankarada baş tutacaq finallarda da eyni uğuru hədəfləyirəm. Bu il İstanbulda keçiriləcək beynəlxalq turnirdə və Avropa Qran-pri yarışlarında qaçmaq istəyirəm”.

Quliyevin şəxsi məşqçisi Oleq Muxin isə Ramilin Olimpiadaya yollana bilməyəcəyi halda, ən əsas hədəfinin dünya çempionatı olduğunu deyib: “Ən böyük istəyimiz 2013-cü ildə dünya çempionatında ilk “3-lük”də yer almaqdır”.

Qeyd edək ki, Quliyevin London-2012-yə yollanmaq şansı hələ açıq qalıb. Azərbaycan adına Olimpiadaya getmək istəməyən atlet “ay-ulduzlu” formanı geyinmək üçün Beynəlxalq Atletika Federasiyasına yazdığı xahiş məktubundan hələ cavab almayıb.

Qaydalara görə isə Ramil 3 il Azərbaycanın icazəsi olmadan Türkiyəni təmsil edə bilməz.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək