İyunun 8-10-da Türkiyənin Quşadası/Aydın şəhərində yeniyetmələr arasında güləş üzrə 15-ci “Victory Cup” beynəlxalq turniri keçiriləcək. Apasport.az saytının xəbərinə görə, turnirdə həm yeniyetmə sərbəst, həm də yeniyetmə qızlardan ibarət yığmalarımız iştirak edəcək.
Sərbəst güləşçilərin yarışında ölkəmizi Coşqun Məmmədov (42 kq), Arif Hüseynov (46 kq), Elçin Vəliyev (54 kq), Cahid Həsənzadə (58 kq), Ənvərbəy Dalqatov (63 kq), Şamil Sadullayev (69 kq), Məhəmmədhacı Muxutov (76 kq) və Çermen Baqayev (85 kq) təmsil edəcək. Komanda turnirdə böyük məşqçi Əsgərxan Novruzov və məşqçi Vahid Məmmədovun rəhbərliyi altında iştirak edəcək.
Yeniyetmə qızların yarışında isə Arzu Əliyeva (46 kq), Ayan Məmmədova (49 kq), Almaz İsmayılova (52 kq), Ləman Qurbanova (56 kq), Alyona Kolesnik (60 kq), Raqnetta Qurbanzadə (65 kq) və Darya Korin (70 kq) mübarizə aparacaq. Komandaya böyük məşqçi Rövşən Süleymanov və məşqçi Mətanət Süleymanova rəhbərlik edəcək.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək