Danimarka Futbol İttifaqı milli komandasının sabah start götürəcək Avropa çempionatında (AÇ) uğurlu çıxış müqabilində mükafat fondunu açıqlayıb. Apasport.az saytının məlumatına görə, yığma turnirdə qalib olacağı halda, hər futbolçu 3 milyon Danimarka kronu alacaq. Bu isə 504 min dollar deməkdir.

Futbolçular final mərhələsinə çıxmağa görə artıq 800 min kron alıb. Yığma ¼ finala çıxacağı halda, mükafatın məbləği 1,9 milyona kimi artırılacaq. Ancaq danimarkalılar ən çətin qrupa – Almaniya, Hollandiya, Portuqaliya ilə bir düşdüyünü nəzərə alsaq, ¼ finala çıxmaları belə real görünmür.

Qeyd edək ki, Danimarka yığmasının tarixində ən böyük uğuru məhz AÇ-də qalib olmağıdır. Özü də 20 il öncə olan bu uğur zaman futbolçular indikindən 10 dəfə az – hərəyə 300 min kron almışdı.

• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək