Yunanıstan yığması AVRO-2012-nin açılış oyunundan sonra daha bir zərbə alıb. Apasport.az saytının məlumatına görə, Polşa yığması ilə açılış oyununda aldığı zədə üzündən əvəzlənməli olan müdafiəçi Avraam Papadopulos turnirdə çıxışını vaxtından əvvəl başa vurmalı olub. Belə ki, onun sol dizindəki əzələ bağlarından aldığı xəsarət ciddidir. Müayinə 27 yaşlı müdafiəçinin yarışda daha çıxış edə bilməyəcəyini göstərib. Yunanıstan Futbol Federasiyası oyundan otelə qayıtdıqlarından sonra Papadopulosun evə müalicəyə qayıtdığını təsdiqləyib.

Bununla da 22 futbolçu ilə qalan 2004-cü ilin Avropa çempionu iştirak ərizəsində boşluğu doldura bilmir. Bu azmış kimi, Yunanıstan millisinin digər müdafiəçisi – Sokratis Papastatopulos 44-cü dəqiqədə 2-ci sarı vərəqə alaraq, meydandan çıxarıldığından, növbəti turda Çexiya yığması ilə oyunda yığmasına kömək edə bilməyəcək.

Qeyd edək ki, ilk oyunda hakim səhvlərindən əziyyət çəkən, qolu sayılmayan yunanlar penalti zərbəsindən istifadə edə bilmədilər.

• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək