“Bu gün baş verənləri aydınlaşdırmaq çətindir. Biz start fitindən cəmi 2 dəqiqə sonra top buraxdıq”. Apasport.az saytının məlumatına görə, bu fikirləri İrlandiya yığmasının baş məşqçisi Covanni Trapattoni deyib. Tarixində 2-ci dəfə Avropa çempionatının final mərhələsində iştirak edən irlandiyalılar bu dəfə startda Xorvatiya millisinə 1:3 hesabı ilə uduzdu.

Trapattoninin fikrincə, erkən qol buraxmaları komandasına psixoloji planda mənfi təsir göstərib: “Mən bunun belə olduğunu bilirəm. İkinci hissədə bir neçə futbolçunu dəyişdik və daha yaxşı oynadıq. Ancaq təəssüf ki, daha qol vura bilmədik. Biz 1/4 finala çıxmaq imkanımızın olduğuna hələ inanırıq. Axı İspaniya və İtaliya yığmaları heç-heçə oynadı”.

Qeyd edək ki, İrlandiya qrupda 2-ci oyununu son Avropa və dünya çempionu İspaniya millisi ilə keçirəcək.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq