Avropa çempionatının favoritlərindən olan Portuqaliya yığmasında qalmaqal yaranıb. Apasport.az saytının məlumatına görə, millinin kapitanı Kriştianu Ronaldonun hərəkəti münaqişəyə səbəb olub.

Belə ki, dünyanın ən bahalı futbolçusu Almaniyaya məğlub olduqları oyunda stadionu tərk edəndən sonra hirslə kapitan sarğısını qolundan çıxarıb. Həmin zaman isə digər futbolçular məşqçilərlə birgə azarkeşlərin yanına, onlara minnətdarlıq etməyə yollanıb. Baş məşqçi Paulu Bentu Ronaldonun dayandırmağa çalışsa da, kapitan onun sözünü yerə salıb. Nəticədə Ronaldo ağır cavab və sərt xəbərdarlıq alıb.

Kriştianunun bu hərəkəti yığmanın düşərgəsində atmosferi pozub, qruplaşma yaradıb. Belə ki, futbolçuların çoxu kapitana qarşı çıxaraq, onunla danışmır. Ronaldonu yalnız “Real”dakı komanda yoldaşı Pepe dəstəkləyir.

Kapitana qarşı koalisiyanın rəhbəri isə millinin aparıcı oyunçusu, “Mançester Yunayted”in yarımmüdafiəçisi Nanidir. Ronaldonun Mançester təmsilçisində davamçısı sayılan bu futbolçu Kriştianu ilə ümumiyyətlə, ünsiyyət qurmur.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq