“Biz turnirdən kənarda qalmamağı bacardıq. İlk hissədə rəqibdən aşkar güclü idik”. Apasport.az saytının məlumatına görə, bu fikirləri Çexiya yığmasının baş məşqçisi Mihal Bilek deyib. Avropa çempionatında Rusiya millisinə 1:4 hesablı məğlubiyyətlə başlayan çexlər 2-ci oyunda özünə bəraət qazana bildi. Belə ki, Yunanıstan üzərində 2:1 hesablı qələbə Bilekin komandasını qrupda 2-ci yerə yüksəltdi. İndi taleyi öz əlində olan çexlər iyunun 16-da Polşaya qalib gəlməklə, 1/4 finala çıxmağını reallaşdıracaq.

Bilek komandasının Rusiya ilə matçda müqayisədə tam başqa oyun göstərdiyini bildirib: “İkinci hissədə yunanlara az imkan verdik, yaxşı təzyiq edirdik. Ancaq müdafiəçilərimiz bəzi anlarda hücumçulara keçməyə imkan verirdi. Biz Rositskinin yoxluğunda zəif olduq”.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq