Hollandiya milli komandası Avropa çempionatlarının final mərhələləri tarixində ən zəif nəticəsini göstərib. Apasport.az saytının məlumatına görə, 14 qitə çempionatının 9-da final mərhələsinə yüksələn “narıncılar” indiyədək Polşa və Ukraynada keçirilən AVRO-2012-dəki kimi uğursuz çıxış etməmişdi.

Tarixi ərzində 1 çempionluğu, 4 bürünc medalı olan Hollandiya daha 2 dəfə 1/4 finalda dayanıb. Yalnız 2-ci dəfədir ki, qrupda qalan yığma bunadək yalnız 1980-ci ildə belə uğursuzluq yaşamışdı. Həmin vaxt hollandiyalılar 4 xal toplayaraq qrupda qalmışdı. Bu isə o deməkdir ki, 32 ildən sonra qrup mərhələsini adlaya bilməyən “narıncılar” ilk dəfə AVRO-dan qələbəsiz, hətta xalsız ayrılıb.

Qeyd edək ki, Hollandiya yığması AVRO-2012-də Danimarkaya 0:1, Almaniya və Portuqaliyaya eyni - 1:2 hesabı ilə məğlub olub.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq