Almaniyanın əfsanəvi futbolçusu Frants Bekkenbaeur milli komandasını tənqid edib. Apasport.az saytının məlumatına görə, təcrübəli mütəxəssis vaxtilə çalışdırdığı, 1990-cı ildə dünya çempionu etdiyi yığmasının AVRO-2012-də çıxışından razı qalanlar sırasında deyil.

Bundestim qrup mərhələsində yüz faizli nəticə göstərən yeganə komanda olsa da, “Bavariya”nın fəxri prezidenti bunu yetərli saymır. Bekkenbauer Danimarkaya 2:1 hesabı ilə qalib gəldikləri matçdan sonra çoxları üçün xoşagəlməyən fikirlərini açıqlamaqdan çəkinməyib: “Mən fikirləşirdim ki, komandamız danimarkalılar üzərində daha inamlı qələbə qazanacaq. Onlar aşkar futbolun yaradıcıları deyillər. Yığmamız kombinasiyalı oynayırdı, ancaq bu zaman rəqibin müdafiə xəttinə təzyiq göstərmirdi. Bu, xüsusilə 2-ci hissədə oldu. Yığmamız belə oyunla Avropa çempionu ola bilməyəcək. Avropa çempionu adını qazanmağa iddia etmək üçün oyunu gücləndirmək lazımdır”.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq