Beynəlxalq Şahmat Federasiyası (FİDE) blits və sürətli şahmat üzrə dünya çempionatında seçmə mərhələdə iştirak etmədən oynayacaq 10 ən güclü şahmatçının adını açıqlayıb. Apasport.az saytının məlumatına görə, siyahıda Azərbaycan yığmasından Teymur Rəcəbovla (2784) Şəhriyar Məmmədyarov (2726) yer alıb.

Qrossmeysterlərimizlə yanaşı, yarışda Maqnus Karlsen (Norveç, 2835), Sergey Karyakin (2779), Aleksandr Qrişuk (2761), Peter Svidler (2741), Aleksandr Morozeviç (hamısı Rusiya, 2769), Vasili İvançuk (Ukrayna, 2764), Veselin Topalov (Bolqarıstan, 2752) və Boris Gelfand (İsrail, 2727) mundialda birbaşa iştirak hüququ qazanıb.

Qeyd edək ki, dünya çempionatı iyulun 1-11-də Qazaxıstanın paytaxtı Astanada keçiriləcək. Bu ölkə isə ev sahibi kimi qarşıdakı yarışa Murtaza Kajqaleyev (2595), Anuar İsmaqambetov (2478), Rinat Cumabayev (2556) və Pavel Kotsurla (2548) qatılacaq.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq