Mahaçqalanın “Anji” klubunun tərəfdarları DÇ-2014-ün seçmə mərhələsinin Rusiya ilə oyununda Azərbaycan yığmasına azarkeşlik ediblər. Apasport.az saytının məlumatına görə, dağıstanlılar vətəndaşı olduğu şimal qonşumuza deyil, millimizə dəstək olublar.

Mahaçqala azarkeşi bunu Rusiyadan olan jurnalistə belə izah edib: “Niyə Rusiyaya azarkeşlik etmirəm? Çünki Qafqaz tərəfdarıyam. Özünüz baxın da. MOİK, “Spartak”, “Lokomotiv”in azarkeşlərinin bir-birini görən gözü yoxdur. Amma “Anji” ilə oynayanda, hamısı bizə qarşı birləşir. Onların hamısı bizə nifrət edir. Dostlarımız isə Nalçik, “Alaniya”, “Terek”dir. Bir sözlə, Qafqaz komandaları. Elə Azərbaycan da Qafqaz komandasıdır. Azərbaycanlılar da bizə yaxın xalqdır”.

Bu azarkeşə qoşulan dostlarından biri isə matç vaxtı yaşanan hadisədən danışıb: “D tribunasında olan ermənilər Azərbaycan bayrağını yandırdılar. Onların milliyətini əllərindəki Ermənistan bayrağına görə müəyyənləşdirdik. Onları görən kimi layiq olduqları şüarı səsləndirdik. Bunu ruslara yox, təxribatçılara ünvanlamışdıq”.

Mənbə: http://www.gazeta.ru

• “Bakı-Xankəndi” veloyarışı: İkinci mərhələnin qalibləri mükafatlandırılıb
• “Bakı-Xankəndi” veloyarışı: İkinci mərhələ başa çatdı
• Bakı-Xankəndi velosiped yarışında 2-ci mərhələyə start verilib - FOTO
• “Bakı-Xankəndi” veloyarışı: İlk mərhələ başa çatdı
• Heydər Əliyev zirvəsinə ənənəvi yürüş təşkil olunub