Azərbaycan milli komandasının 2014-cü il dünya çempionatının seçmə mərhələsində rəqibi olan Portuqaliya yığmasının kapitanı Kriştianu Ronaldo özünü rəsmi oyunlara qorumaq fikrindədir. Apasport.az saytının məlumatına görə, “Real”ın 28 yaşlı hücumçusu millisinin heyətində sabah Ekvador yığması ilə yoldaşlıq görüşündə start heyətində meydana çıxmağı düşünmür.

Portuqaliya yığmasının kapitanı bunu belə izah edib: “Hazırda 100 faiz hazır deyiləm. Mənin əzələlərim gərgindir. Ancaq meydana tamamilə çıxa bilməsəydim, onda yığmada da getməzdim. Oyundan öncə vəziyyətimi həkimlərlə müzakirə edəcəyəm. Onda qərar verəcəyik ki, meydana çıxacağam, yoxsa yox. Ola bilər ki, yalnız 20-30 dəqiqə oynayım”.

Qeyd edək ki, Portuqaliya 2014-cü il dünya çempionatının seçmə mərhələsində növbəti oyunlarından birini martın 26-da Azərbaycan millisi ilə Bakıda keçirəcək.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb