Gürcüstanda güləş üzrə keçirilən Avropa çempionatının ikinci günü 4 çəki dərəcəsində qaliblər müəyyənləşəcək. Apasport.az saytının Tiflisə ezam olunmuş əməkdaşının məlumatına görə, yarışda sərbəst güləşçilər 55 kq və 60 kq, qadın idmançılar 51 kq və 59 kq çəki dərəcəsində qüvvələrini sınayacaqlar.

Artıq sabah döşəyə çıxacaq Azərbaycan yığmasının üzvlərinin rəqibləri bilinib. Belə ki, Yaşar Əliyev (55 kq) Georgi Edişeraşvili (Gürcüstan) ilə, Hacı Əliyev (60) Yozef Molnarla (Macarıstan) gücünü yoxlayacaq. Hər 2 idmançımız mübarizəyə 1/8 finaldan başlayacaq.

Qadın güləşçilərin yarışında Anjela Doroqan (51 kq) Burcu Kebiclə (Türkiyə) üz-üzə gələcək. Təmsilçimiz döyüşə 1/8 final mərhələsindən start verəcək. İrina Netraba (59 kq) isə ondan fərqli, yarışa 1/4 finaldan başlayacaq. O, ukraynalı Tatyana Lavrençuk - avstriyalı Martina Rieqler cütünün güclüsü ilə münasibətinə aydınlıq gətirəcək.

Qeyd edək ki, görüşlər Bakı vaxtı ilə saat 13:00-da start götürəcək.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb