Gürcüstanda keçirilən Avropa çempionatının üçüncü gününün püşkatması olub. Apasport.az saytının Tiflisə ezam olunmuş əməkdaşının məlumatına görə, martın 21-də sərbəst güləşçilər 74 kq və 120 kq, qadın idmançılar 55 kq və 67 kq çəki dərəcələrində qitənin ən güclülərini müəyyənləşdirəcəklər.

Püşkatmanın nəticəsinə əsasən Azərbaycan millisinin üzvü Aleksandr Qostiyev (74 kq) Leonid Bazanla (Bolqarıstan), Cəmaləddin Məhəmmədov (120 kq) Taha Akgüllə (Türkiyə) qarşılaşacaq. Onlar müvafiq olaraq, təsnifat və 1/8 final mərhələsindən mübarizəyə başlayacaqlar.

Qadın güləşçilər arasında döşəyə çıxacaq Yarina Dubovska (55 kq) və Natalya Palamarçuk (67 kq) Polşa idmançıları ilə qüvvələrini sınayacaqlar. Onlardan birincisi Katarjina Kravjiklə (Polşa), digəri Urszula Ososka (Polşa) ilə münasibətinə aydınlıq gətirəcək. Hər 2 təmsilçimiz yarışa 1/8 final mərhələsindən start verəcək.

Qeyd edək ki, ilk görüşlər Bakı vaxtı ilə saat 13:00-da başlayacaq.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb