Bu gün Böyük Britaniyanın paytaxtı Londonda şahmat üzrə iddiaçılar turnirində VI turun oyunları keçirilib. Apasport.az saytının məlumatına görə, Azərbaycan qrossmeysteri Teymur Rəcəbov bu dəfə ermənistanlı şahmatçı Levon Aronyanla qarşılaşıb.

Bu görüş təmsilçimiz üçün böyük əhəmiyyət daşıyırdı. Çünki Rəcəbov rəqibini məğlub etdiyi təqdirdə, yarışın liderlərindən birinə çatmaq imkanı əldə edəcəkdi. Lakin Teymur Aronyan məğlub olub.

Digər görüşlərdə isə Pyotr Svidler Maqnus Karlsenlə uduzub. Vladimir Kramnik Vasili İvançukla, Aleksandr Qrişuk isə Boris Gelfandla heç-heçə edib.

Qeyd edək ki, ümumi mükafat fondu 510 min avro olan turnirdə mübarizə aparan zəka sahibləri bir-biriləri ilə 2 dəfə - həm ağ, həm də qara fiqurlarla üz-üzə gələcəklər. Yarışın qalibi dünya şahmat tacı uğrunda görüşdə hazırkı çempion, hindistanlı Vişvanatan Anandla mübarizə aparacaq.


21 mart
VI tur
Teymur Rəcəbov (Azərbaycan, 2793) – Levon Aronyan (Ermənistan, 2809) - 0:1
Pyotr Svidler (Rusiya, 2747) – Maqnus Karlsen (Norveç, 2872) - 0:1
Vladimir Kramnik (Rusiya, 2810) - Vasili İvançuk (Ukrayna, 2757) - 0,5:0,5
Aleksandr Qrişuk (Rusiya, 2764) – Boris Gelfand (İsrail, 2740) - 0,5:0,5

Xal durumu: Aronyan, Karlsen – 4.5, Svidler, Kramnik – 3, Rəcəbov, Qrişuk - 2,5, Gelfand, İvançuk – 2

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb