Gürcüstanın paytaxtı Tiflisdə keçirilən Avropa çempionatında sərbəst və qadın güləşi üzrə yarışlar başa çatıb. Apasport.az saytının məlumatına görə, yığmalarımız yekuna əsasən komanda hesabında ilk “üçlüyə” daxil ola bilməyiblər.

Belə ki, Yaqub Məmmədovun rəhbərlik etdiyi qadın güləşçilərimizdən ibarət millimiz 2 bürünc medal qazanaraq, yarışda 23 xal toplayıb. Bu isə onları Türkiyə ilə 6-cı yerə şərik edib. Avropa çempionluğu Ukraynaya (52 xal) qismət olub. Rusiya (48) ikinci, Polşa (43) üçüncü pillədə qərarlaşıb.

Onlardan fərqli, Saypulla Absaidovun rəhbərlik etdiyi sərbəst güləş üzrə millimiz 7-ci yeri tutub. Yarışı 2 bürünc medalla başa vuran komandamız 27 xal yığa bilib. Burada ilk “üçlükdə” isə Rusiya (52), Gürcüstan (43) və Ukrayna (41) yer alıb.

Qeyd edək ki, sərbəst və qadın güləşi üzrə yarışlarda 36 ölkə qüvvəsini sınayıb.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb