İngiltərə polisi AVRO-2020-nin finalında İtaliyaya məğlubiyyətdən sonra milli komandanın futbolçularına qarşı irqçi təhqirlərə yol verən 4 nəfəri həbs edib.

Apasport.az saytı xəbər verir ki, həmin azarkeşlərlə bağlı təhqiramiz ifadələr işlətdikləri üçün iş açılıb.

Hətta bunun üzərində çalışması üçün xüsusi müstəntiq qrupu ayrılıb. Böyük Britaniyanın baş naziri Boris Conson da saxlanılan şəxsləri davranışlarına görə qınayıb.

Qeyd edək ki, 1:1 hesabı ilə başa çatan final görüşündə penaltilər seriyasında məğlub olan İngiltərə yığmasında Markus Reşford, Bukayo Saka və Ceydon Sanço sosial mediada irqçi təhqirlərə məruz qalıb. Ümumilikdə turnir ərzində sosial şəbəkədən ingilislərə 12 min 500 nalayiq mesaj ünvanlanıb.
 

• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb