Almaniyanın rekordu təkrarlandı - Almaniya ilə oyunda

30.06.2021 - 00:34

İngiltərə millisi Avropa çempionatlarının rekordunu təkrarlayıb.

Apasport.az saytının məlumatına görə, Qaret Sautqeytin yetirmələri AVRO-2020-nin ilk 4 oyununda qol buraxmayıb.

Bunadək yalnız bir komanda qitə çempionatının ilk 4 matçında qapısını toxunulmaz saxlayıb. Buna 5 il öncə Almaniya imza atıb.

Maraqlıdır ki, İngiltərə 4-cü quru oyununu məhz Bundestimə qarşı keçirib. 1/8 finalda 2:0 hesablı qələbə qazanan böyük britaniyalılar qrupda da qapısını toxunulmaz saxlamışdı.

Ümumiyyətlə, indiyədək 6 dəfə bir komanda üç qrup matçında qol buraxmayıb. Onlardan 4-ü pley-offun ilk matçında qapısında qol görüb. Belə yığmalar sırasında yer alan İtaliya turnirdəki ilk 4 matçı əhatə edən 360 dəqiqəni quru keçirsə də, əlavə vaxtda Avstriyadan qol buraxıb

Qrupda qol buraxmayanların pley-offda ilk sınağı

turnir	komanda	qrupda	pley-offda
1980	İtaliya	İspaniya (0:0), İngiltərə (1:0), Belçika (0:0)	Çexoslovakiya (1:1, pen.8:9)
1996	Almaniya	Çexiya (2:0), Rusiya (3:0), İtaliya (0:0)	Xorvatiya (2:1)
2016	Almaniya	Ukrayna (2:0), Polşa (0:0), Ş.İrlandiya (1:0)	Slovakiya (3:0)
2016	Polşa	Ş.İrlandiya (1:0), Almaniya (0:0), Ukrayna (1:0)	Portuqaliya (1:1, pen.3:5)
2020	İtaliya	Türkiyə (3:0), İsveçrə (3:0), Uels (1:0)	Avstriya (2:1, əlavə vaxtda)
2020	İngiltərə	Xorvatiya (1:0), Şotlandiya (0:0), Çexiya (1:0)	Almaniya (2:0)