Estoniyanın paytaxtı Tallində keçiriləcək fiqurlu konkisürmə üzrə gənclər arasında dünya çempionatının iştirakçılarının siyahısı açıqlanıb.

Apasport.az saytının məlumatına görə, Azərbaycan yığması martın 2-8-də baş tutacaq yarışda 4 idmançı ilə təmsil olunacaq.

Vladimir Litvintsev oğlanların, Yekaterina Ryabova isə qızların mübarizəsində qüvvəsini sınayacaq. Buz üzərində rəqslərdə isə ölkəmizi duet təmsil edəcək. Yuliya Əliyeva ilə Artur Biktimirov bacarıqlarını göstərəcək.

Qeyd edək ki, qızların yarışında daha bir idmançımız – Beverli Vuden ehtiyat iştirakçı kimi sifariş olunub. Y.Ryabova yarışa qatıla bilməsə, onu digər milliləşən legioner əvəz edəcək.
 

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb