Rusiya Ağır Atletika Federasiyasının prezidenti Maksim Aqapitovun akkreditasiyası bərpa olunub.

Apasport.az saytının məlumatına görə, Beynəlxalq Olimpiya Komitəsinin (BOK) onun barədə verdiyi qərarı İdman Arbitraj Məhkəməsi (CAS) ləğv edib.

BOK Aqapitovun Tokio-2020 Yay Olimpiya Oyunlarına akkreditasiyasını əlindən alsa da, dünya çempionunun CAS-a şikayəti təmin olunub. 51 yaşlı keçmiş idmançı açıqlamasında haqq-ədalətin öz yerini tapdığını söyləyib: “BOK-un akkreditasiyamı ləğv etməsi qərarı mənə zərbə oldu və nüfuzumu şübhə altına saldı. Adımı və nüfuzumu qorumaq üçün mübarizə apardım. Tokioya səyahət məsələsi həmişə mənim üçün ikinci dərəcəli olub. CAS-a minnətdaram ki, Beynəlxalq Olimpiya Komitəsindən qorxmadan peşəkar peşəkarlıq nümayiş etdirdi”.

Qeyd edək ki, Maksim Aqapitov eyni zamanda Beynəlxalq Ağır Atletika Federasiyasının İcraiyyə Komitəsinin üzvüdür.
 

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar