Atletika üzrə Azərbaycan millisi Tokio-2020 Yay Olimpiya Oyunlarında çıxışını başa vurub.

Apasport.az saytının məlumatına görə, çəkicatmada uğursuzluğa düçar olan Anna Skidanın ardınca üçtəkanla tullanan Nazim Babayev də ümidləri doğrultmayıb.

A qrupunda mübarizə aparan atletimiz 16,72 m nəticə göstərib. O, özünün mövsümdəki rekorduna imza atıb.

Qrupda 8-ci, ümumilikdə 15-ci olan Nazim final mərhələsinə yüksələ bilməyib. Bununla da üçtəkanla tullananımız özünün ikinci Olimpiadasını da boşa verib.

Qeyd edək ki, Babayev 5 il öncə Rio Olimpiadasında 25-ci yeri tutub.
 

• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb