Beynəlxalq Ağırlıqqaldırma Federasiyasının (İWF) prezidenti Tamaş Ayan vəzifəsindən kənarlaşdırılıb.

Apasport.az saytının məlumatına görə, bunu Rusiya Ağırlıqqaldırma Federasiyasının prezidenti Maksim Aqapitov açıqlayıb.

O bildirib ki, T.Ayan tutduğu vəzifədən 90 gün müddətinə uzaqlaşdırılıb. Bu, İWF-dəki daxili araşdırmalarla bağlıdır.

ARD telekanalının lentə aldığı filmdə T.Ayan “korrupsiya mədəniyyəti” yaratmaqda və onilliklər boyu dopinqin nəticələrini saxtalaşdırmaqda ittiham olunub.

M.Aqatipov bu qərarı qurum başçısının özünün verdiyini qeyd edib: “Prezident özü 90 günlük kənarlaşdırıb. Qurumun İcraiyyə Komitəsi müvəqqəti prezident kimi ABŞ-dan olan Ursula Papandreanı təsdiqləyib. Araşdırma ilə bağlı xüsusi komissiya yaradılıb”.

Qeyd edək ki, 80 yaşlı T.Ayan 1970-ci ildən İWF-də çalışır və 2000-ci ildən təşkilatın prezidentidir.
 

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb