AFFA-nın İntizam Komitəsinin iclası keçirilib.

Apasport.az xəbər verir ki, yığıncaqda Misli Premyer Liqasının XXXII turunda baş verənlər müzakirə olunub.

“Kəpəz” – “Zirə” oyununda meydan sahiblərinin azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 3-cü dəfə yaşandığına görə Gəncə klubu 1000 manat cərimələnib.

“Səbail” – “Araz-Naxçıvan” matçında meydan sahiblərinin 4 futbolçusu sarı vərəqə aldığı üçün Bakı klubu 700 manat cərimə edilib.

“Sabah” – “Qarabağ” oyunu bitdikdən sonra meydançaya kənar şəxs daxil olduğuna görə ev sahibləri 800 manat ziyana düşüb. Qarşılaşma bitdikdən sonra qonaqların azarkeşləri tərəfindən pirotexniki vasitədən istifadə edildiyinə görə Ağdam klubu 1500 manat cərimələnib.

• Elçin Məsiyev Avropa çempionatının matçına təyinat alıb
• “Qarabağ” Bolqarıstanda keçirilən beynəlxalq turnirin qalibi olub
• Gəncənin MDB-nin idman paytaxtı seçilməsi münasibətilə tədbir keçirilib
• "Bizim üçün "Qarabağ"ın qələbə qazanması daha sərfəli idi, lakin hər cür gedişata hazır idik" - MÜSAHİBƏ
• Vasili Berezutski: “Azarkeşlərə göstərdikləri dəstəyə görə təşəkkür edirəm”