Yunanıstanın Volos şəhərində təşkil olunan atletika üzrə Balkan çempionatına yekun vurulub.

Apasport.az xəbər verir ki, yarışda iştirak edən Azərbaycan təmsilçilərindən Əlhəm Nağıyev parlaq qələbə ilə yadda qalıb.

Atletimiz 200 metr məsafəyə qaçışı 20.70 saniyə göstərici ilə başa vurub. Bu nəticə ilə Nağıyev ümumilikdə 19 idmançının mübarizə apardığı növdə bütün rəqiblərini qabaqlayaraq Balkan çempionatının qızıl medalını qazanıb.

Xatırladaq ki, bu yarışda atletlərimizdən son dəfə Anna Skidan 2021-ci ildə qalib olmuşdu. Rüstəm Məmmədov isə bu ilin fevralında qapalı məkanda Balkan çempionatında fəxri kürsünün ən yüksək pilləsinə qalxmışdı.

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib