Bu gün Krakov-2023 III Avropa Oyunlarında qılıncoynatmanın fərdi yarışları başa çatacaq.

Apasport.az saytının məlumatına görə, kişilər şpaqada güclüləri müəyyənləşdirir.

Azərbaycan yığmasının üzvləri də mükafatlar uğrunda mübarizəyə qoşulub. Kənan Əliyev, Barat Quliyev və Ruslan Həsənov qrup mərhələsinə start verib. 

Ruslan dörd, Kənan iki qələbə qazanaraq pley-offa yüksəlib. Yığmamızın Krakovdakı bayraqdarlarından biri Barat isə mübarizəni erkən dayandırıb.

Bu nəticələr Həsənovu 1/32, Əliyevi 1/64 finala daşıyıb. Lakin sonuncu “64-lüy”ə yüksəlmək şansından yararlanmayıb. O, estoniyalı Ruslan Eskova 13:15 hesabı ilə uduzaraq yarışla vidalaşıb.

Həsənov 1/32 finalda isveçrəli Hadrien Favre ilə görüşüb. 14:15 hesabı ilə uduzan təmsilçimiz yarışla vidalaşıb.

Qeyd edək ki, bu gün qadın sablyaçıların da fərdi yarışları baş tutacaq.
 

• Zaur Əliyev: “Kürü keçək?!” yarışını gələcəkdə beynəlxalq səviyyədə təşkil etmək niyyətindəyik”
• Kamandan oxatma üzrə Azərbaycan birinciliyi və çempionatı yekunlaşıb - FOTO
• Natiq Fazilov: “Məqsədimiz MDB Oyunlarında ən azı iki medal qazanmaqdır”
• Anar Quliyev: “Kamandan oxatma üzrə yarışlar gələcəkdə rayonlarda da keçirilə bilər”
• Bakıda Kamandan Oxatma üzrə Ölkə Birinciliyinin final mərhələsi keçirilir - FOTO