Səudiyyə Ərəbistanının paytaxtı Ər-Riyadda parataekvondo üzrə Qran-pri yarışlarının final mərhələsi keçirilib.

Apasport.az xəbər verir ki, bu seriyada ilin yekun yarışını Azərbaycan millisi 2 qızıl medalla başa vurub.

Baş məşqçi Fərid Tağızadənin rəhbərliyi altında mübarizə aparan komandamızın heyətində Sabir Zeynalov (58 kq, K-44) fəxri kürsünün ən yüksək pilləsinə qalxıb. O, Braziliya, İsrail və Türkiyədən olan parataekvondoçuya qalib gələrək, Ər-Riyadda Azərbaycan himnini səsləndirib.

Zeynalovun uğurunu komanda yoldaşı İmaməddin Xəlilov (70 kq, K-44) da təkrarlayıb. Təmsilçimiz Özbəkistan, Yaponiya və Argentinadan olan rəqiblərini məğlub edərək, yarışın qızıl medalına yiyələnib.

Hər iki paratekvondoçu qalib olmaqla aktivinə 100 reytinq xalı əlavə edib.

Qeyd edək ki, Qran-pri yarışlarının final mərhələsində sabah taekvondo yarışları başlayacaq. Azərbaycan turnirdə 173,94 xalla dünya reytinqində 10-cu olan Cavad Ağayevlə təmsil olunacaq.

• Bakıda yanğınsöndürmə və xilasetmə üzrə dünya çempionatının açılış mərasimi keçirilib
• Azərbaycanlı qardaşlar Antalyada Mental Arifmetika Olimpiadasının qalibi olublar
• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək