Fevralın 12-si və 13-də İsveçrənin Lozanna şəhərində Beynəlxalq Gimnastika Federasiyası (FIG) tərəfindən 2022-2024-cü illəri əhatə edən növbəti Olimpiya dövrünün müvafiq qaydalarına əsasən batut gimnastikası və tamblinq üzrə hakimlik imtahanları keçirilib.

Apasport.az xəbər verir ki, təmsilçilərimizdən Kamil Quliyev (batut gimnastikası) və Rahib Əliyev (tamblinq) beynəlxalq hakimlik dərəcələrini artırıblar. Belə ki, Kamil Quliyev 2-ci, Rahib Əliyev isə 3-cü dərəcəni əldə edib.

Qeyd edək ki, FIG qaydalarına əsasən hər Olimpiya Oyunlarından sonrakı yeni Olimpiya dövründə gimnastika idman növləri üzrə qaydalara dəyişikliklər edildiyi üçün hakimlər sahib olduqları hakimlik dərəcələrini hər 4 ildən bir təsdiqləməli və ya daha yüksək dərəcə almalıdırlar. Ümumilikdə 4 hakimlik dərəcəsi mövcuddur. Ən yüksək dərəcə 1, ən aşağı dərəcə isə 4-cüdür.

• Azərbaycan Üzgüçülük Federasiyasının İcraiyyə Komitəsinin tərkibi təsdiq edilib
• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib