“Komandaya inamımız böyükdür”.

Apasport.az saytı xəbər verir ki, bunu parataekvondo üzrə Azərbaycan millisinin baş məşqçisi Fərid Tağızadə deyib. 

Baş məşqçi milli komanda üzvlərinin hazırlığından danışıb. Tağızadə parataekvondoçularımızn Avropa çempionatında 3-4 medal qazana biləcəyini bildirib: “Təlim-məşq toplanışlarımız çox yaxşı keçib. Fransanın Montargis şəhərində Həmrəylik turnirindən qayıtdıqdan sonra Avropa çempionatına 40 günlük hazırlığımız olub. Həm fiziki, həm də texniki-taktiki yaxşı formadayıq. Hər şey qaydasındadır. Yığmada uşaqların psixologiyası, durumu qaydasındadır. Hər bir cəhətdən yaxşıyıq. Heç bir problemimiz yoxdur. İnanıram ki, əldə edəcəyimiz mükafatları dəst olacaq. Qızıl, gümüş və bürünc medallar qazana biləcəyik. 5 olmasa da, 3-4 medala yiyələnəcəyimizə inanıram”.

Qeyd edək ki, Avropa çempionatı avqustun 14-16-da Niderlandın Rotterdam şəhərində baş tutacaq.
 

• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq