Rusiyada keçiriləcək DÇ-2018-inilk təyinatları açıqlanıb. Apasport.az saytının məlumatına görə, yarışın açılış matçını idarə edəcək hakimlərin adlarına aydınlıq gəlib.

İyunun 14-də baş tutacaq Rusiya – Səudiyyə Ərəbistanı matçını argentinalı hakimlər idarə edəcək. “Lujniki”dəki matçın baş hakimi Nestor Pitana olacaq.

Ona Xuan Pablo Belyati və Ernan Maydana kömək edəcəklər. Dördüncü hakim isə braziliyalı Sandru Riççi olacaq.

Açılış matçının videotəkrar hakimləri briqadasına Massimiliano İbrati (İtaliya) rəhbərlik edəcək. Onun köməkçiləri Mauro Vilyano (Argentina), Karlos Astrosa (Çili) və Daniele Orsato (İtaliya) olacaq.

Qeyd edək ki, Rusiya – Səudiyyə Ərəbistanı matçı Bakı vaxtı ilə saat 19:00-da başlayacaq.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək