Azərbaycan millisi 2025-ci ildəki ilk oyununa martın 22-də çıxacaq.

Apasport.az xəbər verir ki, yığmamızın rəqibi Haiti seçməsi olacaq.

Millimiz yoldaşlıq matçını Mehdi Hüseynzadə adına Sumqayıt şəhər stadionunda keçirəcək.

Bu, iki komanda arasında ilk duel olacaq. İndiyədək yığmamız Haiti ilə qarşılaşmayıb.

Millimiz 1992-ci ildən bu günə qədər 71 müxtəlif rəqiblə üz-üzə gəlib. Haiti isə siyahıda 72-ci olacaq.

Ümumiyyətlə, yığmamız indiyədək KONKAKAF zonasından 4 komanda ilə üz-üzə gəlib. Trinidad və Tobaqo, Honduras, Kanada, ABŞ-ın yer aldığı siyahıya Haiti 5-ci rəqib kimi daxil olacaq.

Qeyd edək ki, Azərbaycan – Haiti matçının başlama saatı hələ ki, açıqlanmayıb.

• “Qarabağ” beynəlxalq turnirdə “Aston Villa” ilə üz-üzə gələcək
• Rojerio Santos: "Gəncədə oynamaq hamı üçün daha yaxşı olardı"
• “Mingəçevir” Füzuli Məmmədovu göndərir - EKSKLÜZİV
• Birinci Liqa: Autsayderlər xalları bölüşdülər, "Mingəçevir" "Zaqatala"ya qarşı - YENİLƏNİR
• İki komanda liqadan kənarlaşdırılıb