Avqustun 8-də "Əməkdar məşqçi”, "Əməkdar bədən tərbiyəsi və idman xadimi”, "Şöhrət” ordenli mütəxəssis Əhməddin Rəcəblinin 80 illik yubiley mərasimi keçirilib.

Apasport.az xəbər verir ki, Azərbaycan İdman Akademiyasında keçirilən tədbirdə gənclər və idman naziri Fərid Qayıbov və Milli Olimpiya Komitəsinin vitse-prezidenti Çingiz Hüseynzadə çıxış edərək yubilyarı təbrik edib, ona idmanın inkişafındakı xidmətlərinə görə təşəkkür ediblər.

Ardınca sambo və cüdo idman növlərinin inkişafında misilsiz xidmətləri olan Əhməddin Rəcəblinin həyat və fəaliyyətini əks etdirən videoçarx nümayiş etdirilib. Yubilyar çıxış edərək idman karyerasından qısa xatirələrini bölüşüb, göstərilən diqqət və qayğıya görə minnətdarlığını bildirib.

Sonra İdman Veteranları İctimai Birliyinin sədri, Olimpiya çempionu Zemfira Meftahətdinova, Dövlət Sərhəd Xidməti rəisinin müavini, general-leytenant Rəsul Tağıyev, Azərbaycan İdman Akademiyasının rektorunun müavini, Olimpiya çempionu Fərid Mansurov, Azərbaycan Cüdo Federasiyası prezidentinin müşaviri Natiq Bağırov, eləcə də idman veteranları çıxış edərək Əhməddin Rəcəblini təmsil etdikləri qurumlar adından təbrik ediblər.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”