“Bakıya qələbə ilə qayıdacağımıza inanıram”.

Apasport.az saytının məlumatına görə, bunu Azərbaycan Milli Karate Federasiyasının prezidenti Yaşar Bəşirov deyib.

Qurum rəhbəri Azərbaycan yığmasının Polşada keçiriləcək Krakov-2023 III Avropa Oyunlarına yolasalma mərasimində jurnalistlərə açıqlama verib. Bəşirov yarış barədə fikirlərini bölüşüb: “Kumitedə ən çox lisenziyanı biz qazanmışıq. Polşada 4 kişi və 4 qadın idmançı ilə təmsil olunacağıq. Federasiyada hərtərəfli iş gedir. Avropa Oyunlarından ən azı 3-4 medal götürməyə çalışacağıq. Hamısı qızıl ola bilməz. Rəqabət çox böyükdür. Bizim idmançıları hər kəs tanıyır. Onların lider olduqlarını bilirlər və var gücləri ilə mübarizə aparırlar. İrina Zaretska, Asiman Qurbanlı, Əminağa Quliyev, Mədinə Sadıqova və digərləri medal əldə edə bilərlər. Mükafatların əyarını isə yarışda görəcəyik”.

Qeyd edək ki, III Avropa Oyunları iyunun 21-dən iyulun 2-dək keçiriləcək. 
 

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək