“Bildiyiniz kimi, ölkəmiz indiyədək bir çox mötəbər idman yarışlarına ev sahibliyi edib. Növbəti belə tədbirlərdən biri isə gələn il, sentyabrın 5–6-da keçiriləcək “IRONMAN 70.3 BAKU” triatlonu olacaq”.

Apasport.az xəbər verir ki, bu sözləri jurnalistlərə açıqlamasında Azərbaycan Triatlon Federasiyasının prezidenti Fərid Fərhadzadə deyib.

Onun sözlərinə görə, yarışda 2500 atletin iştirakı nəzərdə tutulur:

“Paytaxtın mərkəzində təşkil olunacaq bu mötəbər yarış üç mərhələdən ibarət olacaq - üzgüçülük, velosiped və qaçış. İdmançılar bu mərhələlərdə öz güclərini sınayacaqlar. Minlərlə azarkeşin izləyəcəyi tədbir əsl idman bayramına çevriləcək. Qeyd etmək istərdim ki, ölkə başçısının idmana göstərdiyi xüsusi diqqət və yaradılan yüksək infrastruktur nəticəsində Azərbaycan bu kimi beynəlxalq yarışlara uğurla ev sahibliyi edir”.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb