Paralimpiya, dünya və Avropa çempionu parataekvondoçumuz İmaməddin Xəlilov Özbəkistanın paytaxtı Daşkənddə keçirilən “Biz birgəyik” adlı beynəlxalq könüllülər festivalında çıxış edib.

Apasport.az xəbər verir ki, əvvəlcə idmançımızın uğurlarını əks etdirən videoçarx nümayiş olunub, daha sonra Xəlilov əlilliyi olan könüllülərin də iştirak etdiyi festival iştirakçılarına öz uğur yolundan danışıb.

Qeyd edək ki, 10-a yaxın ölkədən 60-dan çox nümayəndənin qatıldığı “Biz birgəyik” beynəlxalq könüllülər festivalının budəfəki əsas missiyalarından biri əlilliyi olan şəxslərin də könüllü hərəkatının bir hissəsi olduğunu qeyd etmək, onların cəmiyyətə inteqrasiyasının vacibliyini vurğulamaq olub.

Tədbirdə Milli Paralimpiya Komitəsini baş katib Toğrul Rəhimovun başçılıq etdiyi nümayəndə heyəti təmsil edib.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”