Krakov-2023 III Avropa Oyunlarında muaytay yarışları davam edir.

Apasport.az saytının məlumatına görə, bu gün yarımfinal döyüşləri keçirilir.

Azərbaycanın üç idmançısı da rinqə çıxıb. 1/4 final səddini adlamaqla medallardan birini təmin edən döyüşçülərimiz finala yüksəlmək üçün mübarizə aparıb.

Xəyal Əliyev (67 kq) polşalı Oskar Siqertlə qarşılaşıb. 3-cü raundda noqdauna düşən idmançımız mübarizəni dayandırıb. O, Avropa Oyunlarının bürünc mükafatını qazanıb.

Aysun Dərvişovanın (57 kq) rəqibi Patrisiya Axlinq (İsveç) olub. İlk raundda iki dəfə naqdauna düşən idmançımız mübarizəni davam etdirsə də, ikinci hissədə eyni vəziyyətlə üzləşərək rinqdən məğlub ayrılıb. O, Krakov-2023-ün bürünc mükafatı ilə kifayətlənib.

Emiliya Rzayeva (63,5 kq) həlledici döyüşə vəsiqə üçün Tereza Steçova (Çexiya) ilə qarşılaşıb. 3-cü raundda noqdauna düşən və döyüşdən məğlub ayrılan muaytayçımız bürünc medal qazanıb. Bununla da yığmamız yarışda çıxışını 3 bürünclə başa vurub.
 
Qeyd edək ki, final döyüşləri sabah keçiriləcək.

• Zaur Əliyev: “Kürü keçək?!” yarışını gələcəkdə beynəlxalq səviyyədə təşkil etmək niyyətindəyik”
• Kamandan oxatma üzrə Azərbaycan birinciliyi və çempionatı yekunlaşıb - FOTO
• Natiq Fazilov: “Məqsədimiz MDB Oyunlarında ən azı iki medal qazanmaqdır”
• Anar Quliyev: “Kamandan oxatma üzrə yarışlar gələcəkdə rayonlarda da keçirilə bilər”
• Bakıda Kamandan Oxatma üzrə Ölkə Birinciliyinin final mərhələsi keçirilir - FOTO