Azərbaycan millisinin üzvü Mahir Emreli çıxış etdiyi II Bundesliqa təmsilçisi “Nürnberq”dən ayrılacaq.

Apasport.az xəbər verir ki, bu barədə klubun mətbuat xidməti məlumat yayıb.

Futbolçu ilə Almaniya təmsilçisi arasında mövsümün sonunda bitəcək müqavilə yenilənməyəcək. Tərəflər əməkdaşlığı davam etdirməmək barədə razılığa gəliblər.

Qeyd edək ki, Mahir ötən ilin yayında Zaqreb “Dinamo”sundan “Nürnberq”ə keçib. O, çempionatda 22 oyunda 7 qol və 1 məhsuldar ötürmə ilə yadda qalıb. Həmyerlimiz daha öncə "Bakı", "Qarabağ", "Legiya" (Polşa), "Dinamo" (Zaqreb, Xorvatiya), "Konyaspor" (Türkiyə) komandalarının da şərəfini qoruyub.

• Kaxaber Tsxadadze: “Futbolçular hələ çempionatın səviyyəsini dərk etməyib”
• Zaur Həşimov: “Məqsədimiz Premyer Liqada qalmaqdır”
• “Şəfa” Qəbələ səfərindən 3 xalla qayıdır - YENİLƏNİB
• Xose Manuel Armada Zarko: "Sabahın Ulduzları" müxtəlif komandaları görmək üçün əlverişlidir"
• Toralın komandasından məğlubiyyət