Çoxsaylı beynəlxalq yarışların qalibi və mükafatçısı Məmmədəli Mehdiyev peşəkar cüdoçu karyerasını bitirməyə qərar verib. 

Apasport.az saytının məlumatına görə, o, 2020 və 2022-ci illərdə böyüklər arasında Avropa çempionatında və 2019-cu il Avropa Oyunlarında bürünc medal qazanıb.  

Mehdiyevin nailiyyətləri arasında Böyük Dəbilqə və Qran Pri yarışlarından ümumilikdə 21 medal var.

Sabiq cüdoçu bildirib ki, karyerasında əsl dostluğu, mehribançılığı, səmimiyyəti və düzgünlüyü tapıb: “İdmançılara yaradılan şəraitə görə möhtərəm Prezident İlham Əliyevə dərin minnətdarlığımı bildirirəm. Həmçinin, bu yolda məni müşayiət edən məşqçilərimə, mənə dəstək olan Azərbaycan Cüdo Federasiyasına, milli yığmanın tibbi və texniki heyətinə təşəkkürümü bildirirəm. Arzum nümunəvi vətəndaş kimi ölkəmə xidmət etmək və gənc nəslə dəstək olmaqdır".

Qeyd edək ki, Mehdiyevdən öncə Rüstəm Orucov və Orxan Səfərov da cüdoçu karyerasını bitirib. 

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib