Bu gün kişi voleybolçular arasında Azərbaycan Yüksək Liqasında  növbəti oyun keçirilib.

Apasport.az xəbər verir ki, Voleybol Mərkəzində təşkil olunan III turun son matçında “Murov” və “Xarı bülbül”lə qarşılaşıb. 

Görüş “Murov”un üstünlüyü ilə keçib. İlk hissədə 25:11 hesabı ilə qələbə qazanan Fərid Cəlalovun komandası sonrakı setləri də qalib başa vurub – 25:18, 25:17.

Beləliklə, bu oyundan sonra aktivindəki xalların sayını 9-a çatdıran “Murov” turnir cədvəlində liderliyini möhkəmləndirib. “Neftçi” 3 xalla 2-ci, set fərqində “Neftçi”dən geri qalan “Xarı bülbül” 3 xalla 3-cü, MOİK isə sonuncu pilləni tutur. 

Bununla da I dövrədən yalnız bir matç keçirilməmiş qalır. II turdan təxirə salınmış "Xarıbülbül" - "Neftçi" qarşılaşmasının baş tutacağı tarixlə bağlı əlavə məlumat veriləcək.

27 yanvar
Yüksək Liqa (kişilər)
III tur
“Murov” – “Xarı bülbül” 3:0 (25:11, 25:18, 25:17)

• Azərbaycan Üzgüçülük Federasiyasının İcraiyyə Komitəsinin tərkibi təsdiq edilib
• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib