Cənubi Koreyanın Çhunçhon şəhərində parataekvondo üzrə açıq dünya çağırış yarışı start götürüb. 

Apasport.az saytının məlumatına görə, bunu Azərbaycan Taekvondo Federasiyasının mətbuat xidməti açıqlayıb.

G4 kateqoriyalı turnirin ilk günü Azərbaycan milli komandası üçün uğurlu alınıb. Taekvondo Federasiyasının dəstəyi ilə yarışa yollanan yığmanın heyətində İmaməddin Xəlilov (70 kq, K-44) bütün rəqiblərinə qalib gələrək çempion tituluna yiyələnib. Cənubi Koreyada Azərbaycan himnini səsləndirən təmsilçimiz qızıl medal qazanmaqla reytinqinə 40 xal da əlavə edib. 

Sabah başa çatacaq turnirə milli 3 parataekvondoçu ilə qatılıb. Yarışda ölkəmizi Xəlilovla yanaşı,  Sabir Zeynalov (58 kq) və Əbülfəz Abuzərli (80 kq) təmsil edir. Hər 2 parataekvondoçu K-44 kateqoriyasında qüvvəsini sınayacaq. 

Qeyd edək ki, yığma Avropa paralimpiya çempionatında da 2 qızıl, 1 gümüş və 2 bürünc medal qazanıb.
 

• Kamandan oxatma üzrə Azərbaycan birinciliyi və çempionatı yekunlaşıb - FOTO
• Natiq Fazilov: “Məqsədimiz MDB Oyunlarında ən azı iki medal qazanmaqdır”
• Anar Quliyev: “Kamandan oxatma üzrə yarışlar gələcəkdə rayonlarda da keçirilə bilər”
• Bakıda Kamandan Oxatma üzrə Ölkə Birinciliyinin final mərhələsi keçirilir - FOTO
• "Təhlükəsiz idman hamı üçün" mövzusunda keçirilən seminara yekun vurulub