Estoniyanın paytaxtı Tallində Olimpiya çəki dərəcələri üzrə Avropa çempionatında medal əyarına görə komandaların tutduqları yer açıqlanıb. 

Apasport.az saytının məlumatına görə, qitənin ən güclülərinin qatıldığı yarışda Azərbaycan millisinin də qərarlaşdığı pillə bəlli olub.

Baş məşqçi Məmməd Abdullayevin rəhbərlik etdiyi yığma 1 qızıl və 2 gümüş medalla kişi komandaları arasında ikinci yeri tutub. Birinci pillədə Ukrayna qərarlaşdığı halda, “üçlüy”ü Almaniya qapayıb.

Azərbaycan millisi ümumi komanda hesabında da Avropanın ən güclüləri sırasına düşüb. Taekvondoçularımızın uğurlu çıxışı yığmamızın 3-cü olması ilə nəticələnib. İlk 2 yeri Serbiya və Ukrayna tutub. 

Qeyd edək ki, Olimpiya çəki dərəcələri üzrə Avropa çempionatında taekvondoçularımızdan Qaşım Maqomedov (58 kq) qızıl, Cavad Ağayev (68 kq) və Həmidreza Badrialiabadi (+80 kq) gümüş medal qazanıb.
 

• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb