Qrosmeysterimiz Teymur Rəcəbov daha bir beynəlxalq turnirdə qüvvəsini sınayacaq.

Apasport.az xəbər verir ki, o, Rusiyanın paytaxtı Moskvada keçiriləcək sürətli şahmat üzrə III beynəlxalq “Chess Stars 3.0” turnirində iştirak edəcək.

Dekabrın 14-də başlayacaq yarış 6 gün davam edəcək. Təmsilçimizin rəqibləri arasında vitse-dünya çempionu Sergey Karyakin, Aleksandr Qrişuk, Vladislav Artemyev, Yevgeni Tomaşevski, Ernesto İnarkiyev, Aleksandra Qoryaçkina, Yekaterina Laqno (hamısı Rusiya), Fransisko Valyexo (İspaniya) və Raunak Sadhvani (Hindistan) də olacaq.

Qeyd edək ki, ümumi mükafat fondu 15 000 000 rubl (təxminən 300 000 AZN) təşkil edən turnirin açılış mərasimi dekabrın 13-də baş tutacaq.

• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub