Misli Premyer Liqasının XXX turu çərçivəsində "Sabah" səfərdə "Turan Tovuz"a 1:2 hesabı ilə uduzub.

Apasport.az xəbər verir ki, qonaqların baş məşqçisi Vasili Berezutski oyundan sonra keçirilən mətbuat konfransında jurnalistlərin suallarını cavablandırıb:

"Oyunu iki hissəyə bölə bilərik. Qırmızı vərəqəyə qədər olan hissə və "qırmızı"dan sonrakı hissə. Futbolçularıma təşəkkür edirəm. Sona qədər döyüşdülər. Amma əfsuslar olsun ki, hesabı bərabərləşdirə bilmədik".

- Hakimlik haqda fikriniz necədir? Qırmızı vərəqə oyunun nəticəsinə necə təsir etdi?
- Mənim üçün aydın olmayan, futbolla əlaqəsi olmayan qırmızı vərəqə idi. Biz hücuma davam edirdik. Hakim oyunu saxladı və Safrankoya qırmızı vərəqə verdi.

- Artıq "Sabah" üçün çempionatın əldən getdiyini demək olar?
- Əllərimizi aşağı salıb ruhdan düşməyəcəyik. Amma avrokuboklara vəsiqə qazanmaq baxımından kubok bizim üçün prioritetdir.

- Bu gün Kurban Berdiyevə meydanda uduzduz, yoxsa masada?
- Taktiki plandan nəsə danışmaq çox çətindir. Qırmızı vərəqədən sonra bu rəqibə qarşı oynamaq çətin idi. "Qırmızı"ya qədər hesabda öndə olan komanda biz idik.

- "Sabah"da qalsaz, bundan daha yaxşı oyun ortaya qoya biləcəksiz?
- Qısa deyirəm, əlbəttə.

• Azərbaycan klublarına UEFA-dan ayrılan maliyyə vəsaiti açıqlanıb
• AFFA-nın illik gəliri açıqlandı: ən böyük pay kimə məxsusdur?
• AFFA açıqladı: BU STADİONLAR TƏMİRƏ BAĞLANACAQ
• Cahangir Fərəcullayev: “Bizim üçün ən vacib prioritet milli komandadır”
• Rövşən Nəcəf: “Bunu yenilənmə mərhələsi kimi qiymətləndiririk”