Böyük Britaniyanın paytaxtı Londonda atletika üzrə dünya çempionatı davam edir. Apasport.az saytının məlumatına görə, mundialın 6-cı günü Azərbaycan yığmamızın daha bir idmançısı çıxışını başa vurub.

Milliləşdirilmiş Hayle İbrahimov da Nazim Babayev və Anna Skidanın ardınca medalsız qalıb. Belə ki, 5000 m məsafəyə qaçan atlet təsnifat mərhələsinin birinci yürüşündə finişə 12-ci çatıb. Məsafəni 13 dəqiqə 32,15 saniyəyə qət edən Hayle ümumi sıralamada 26-cı olub və onu final mərhələsinə vəsiqədən 1,79 saniyə ayırıb.

Qeyd edək ki, bu gün üçtəkanla tullanmada çıxış edən təmsilçimiz Aleksis Kopello final mərhələsində mübarizə aparacaq. 

• “Bakı-Xankəndi” veloyarışı: İkinci mərhələnin qalibləri mükafatlandırılıb
• “Bakı-Xankəndi” veloyarışı: İkinci mərhələ başa çatdı
• Bakı-Xankəndi velosiped yarışında 2-ci mərhələyə start verilib - FOTO
• “Bakı-Xankəndi” veloyarışı: İlk mərhələ başa çatdı
• Heydər Əliyev zirvəsinə ənənəvi yürüş təşkil olunub