Azərbaycan boksuna ağır itki üz verib. 

Apasport.az saytının məlumatına görə, uzun müddət müxtəlif yaş qrupları üzrə milli komandalarımızın baş məşqçisi işləmiş Şamil Əlimzanov 77 yaşında vəfat edib.

SSRİ idman ustası, Azərbaycanın Əməkdar məşqçisi, Fəxri Bədən Tərbiyəsi və İdman İşçisi, Əməkdar Bədən Tərbiyəsi və İdman Xadimi bu gün Suraxanıda Tatar qəbiristanlığında dəfn olunacaq.

Şamil Əlimzanov ən hörmətli müəllimlərdən sayılırdı və Azərbaycan boksunun onurğa sütunu hesab edilirdi. Onun yetirmələri arasında adını ölkə boks tarixinə yazdıranlar kifayət qədərdir. İlk Avropa və dünya birinciliklərinin qaliblərinin, Yay Olimpiya Oyunlarının iştirakçılarının müəllimi olub. Ədalət Məmmədov, Fərhad Acalov, Emil Məhərrəmov, Zaur Teymurov və digər titullu idmançılarımızın bir çoxuna boksun sirlərini məhz Şamil Əlimzanov öyrədib. 

Onun yolunu oğlu İlham Əlimzanov davam etdirir. O, hazırda boks üzrə təcrübəli mütəxəssislərdən biri hesab edilir. 

Allah rəhmət eləsin!
 

• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq