Yeniyetmə yunan-Roma güləşçiləri arasında Türkiyənin Antalya şəhərində keçirilən “Zəfər Kuboku”nda Azərbaycanın U-17 millisi komanda hesabında çempion olub.

Azərbaycan Güləş Federasiyasından (AGF) apasport.az-a verilən məlumata görə, sözügedən yarışda 4 qızıl, 1 gümüş, 4 bürünc medal qazanan yığmamız 173 xal toplayıb.

Böyük məşqçi Taleh İsrafilov, məşqçilər Nazim Əhmədovla Elvin Mürsəliyevin rəhbərliyi altında Turan Daşdəmirov (45 kq), Əli Seyidəlili (51 kq), Ayxan Cavadov (55 kq) və Elmin Əliyev (80 kq) çempion olublar. Nurlan İbadzadə (60 kq) 2-ci, Elnar Ziyadov (48 kq), Roman Kərimov (60 kq), Cavidan Nehmətov (71 kq) və Mikayıl İsmayılov (92 kq) 3-cü yeri tutublar.

Qadın güləşində böyük məşqçi Həsrət Məmmədyarovla məşqçi Solmaz Adilovanın rəhbərliyi altında 3 medal əldə edilib. Günay Qurbanova (61 kq) qızıl, Səadət Quliyeva (43 kq) və Esra Məmmədli (49 kq) bürünc medal qazanıblar. Yığma 63 xalla 3-cü yeri tutub.

Beləliklə, Azərbaycan güləşçiləri turnirdə ümumilikdə 12 (5 qızıl, 1 gümüş, 6 bürünc) medala yiyələniblər. Yarışda Azərbaycanı hakim qismində beynəlxalq dərəcəli referi Xəzər Allahverdiyev təmsil edib.

• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb