18 yaşadək oğlan basketbolçulardan ibarət Azərbaycan milli komandası Avropa çempionatının C liqasında növbəti oyununu keçirib. 

Apasport.az saytının məlumatına görə, Tahir Baxşiyevin rəhbərlik etdiyi yığma San Marinoda keçirilən yarışda Ermənistanla üz-üzə gəlib. 

Oyun basketbolçularımızın inamlı qələbəsi ilə başa çatıb. Millimiz erməniləri 76: 65 hesabı ilə məğlub edib. 

Bununla da komandamız ardıcıl 3-cü qələbəsini qazanaraq, 6 xalla qrup liderliyinə yüksəlib və növbəti mərhələyə çıxmağı təmin edərək adını yarımfinala yazdırıb. Təmsilçimiz Ermənistandan öncə Lüksemburqa (75:71) və Cəbəllütariqə (115:60) qalib gəlib. 

Qeyd edək ki, milli qrupdakı növbəti matçını Moldova komandasına qarşı keçirəcək. Oyun iyulun 28-də Bakı vaxtı ilə saat 14:30-da start götürəcək.

• Donçiçin 41 xalı “Leykers”i xilas etmədi – NBA-da gecənin nəticələri
• Çempionlar Liqası: “Sabah” ilk qələbəsini qazandı - YENİLƏNİB
• "Gəncə" basketbol komandasının yeni baş məşqçisi bəlli olub
• Alperen Şengündən möhtəşəm performans – NBA-da gecənin nəticələri
• Donçiçdən 52 xallıq şou – NBA-da gecənin nəticələri