Ölkəmizdə badminton üzrə qarışıq komandalar arasında Avropa çempionatı keçirilib.

Apasport.az xəbər verir ki, Danimarka finalda Fransaya 3:0 hesabı ilə qalib gələrək qitə çempionu olub.

Skandinaviyalılar (Jesper Toft / Amalie Magelund) əvvəlcə qarışıq qoşa yarışında rəqiblərinə (Thom Gicquel / Delphine Delrue) qalib gəliblər - 21:11, 18:21, 21:15.

Sonra kişilərin fərdi mübarizəsində Anders Antonsen (Danimarka) Alex Lanieri (Fransa) məğlub edib - 21:19, 21:18.

Nəhayət, qadınların fərdi yarışında da Danimarka təmsilçisi (Line Christophersen) Fransa badmintonçusundan (Leonice Huet) güclü olub - 21:16, 21:14.

Beləliklə, ümumi hesab 3:0-a çatdığından qalan iki oyunun (kişilərin qoşa yarışı və qadınların qoşa yarışı) keçirilməsinə ehtiyac duyulmayıb.

• İtaliya Qran-prisi rekordlarla yadda qaldı, Azərbaycan Qran-prisi yaxınlaşır
• İdmançılarımız Türkdilli Dövlətlərin III Universiadasını 9 medalla başa vurublar - FOTO
• Piastri liderliyi qoruyur, Norris podiumdan kənarda
• Avropa Gənclər Paralimpiya Oyunlarının açılış mərasimi keçirilib - FOTO
• Avropa Gənclər Paralimpiya Oyunlarında Azərbaycan bayrağını daşıyacaq idmançılar bəlli olub