Həndbol üzrə qızlar və oğlanlar arasında Azərbaycan birinciliyinin final mərhələsi keçiriləcək.

Apasport.az xəbər verir ki, Gənclər və İdman Nazirliyi və Azərbaycan Həndbol Federasiyasının birgə təşkilatçılığı ilə keçiriləcək yarışlarda 2008-ci ilədək təvəllüdlü yeniyetmələr iştirak edəcək.

Həm oğlanların, həm də qızların turnirində 6 komanda mübarizə aparacaq. Oğlanlar arasında ölkə birinciliyinin final mərhələsinə Bakının 2 təmsilçisi ilə yanaşı, 4 region komandası – Cəlilabad, Lənkəran, Mingəçevir və Qazax həndbolçuları vəsiqə qazanıb.

Qızların mübarizəsində isə həlledcici mərhələdə paytaxtın 3 komandası, eləcə də Şirvan, Gəncə və Göygöl həndbolçuları fəxri mükafat uğrunda yarışacaq.

Yarışın reqlamentinə görə komandalar 2 qrupda mübarizə aparacaq və ilk iki yeri tutanlar pley-offa vəsiqə qazanacaq.

Qeyd edək ki, final mərhələsi iyunun 28-30-da “AHF Arena” idman kompleksində keçiriləcək.

• Millimiz Böyük Britaniyaya məğlub olub
• Millimiz "IHF Trophy" beynəlxalq turnirinin hazırlığının son mərhələsinə start verib
• Azərbaycanın beynəlxalq dərəcəli hakimləri Avropa Liqasının oyununa təyinat alıblar
• İslam Oyunları: Millimiz Qazaxıstana məğlub oldu
• İslam Oyunları: Yığmamız Özbəkistanla bacarmayıb