Azərbaycan stolüstü tennisçiləri Qətərin paytaxtı Dohada keçirilən “WTT Youth Star Contender Doha 2025” turnirini 3 medalla başa vurublar.

Apasport.az xəbər verir ki, yarışın son günündə mübarizə aparan Onur Quluzadə U-15 kateqoriyasının qoşa turnirində gümüş mükafata sahib çıxıb.

Onur və koreyalı həmkarı Ma Yeongmin finalda Türkiyə idmançıları Kənan Kahraman və Görkem Ocala uduzaraq gümüş medalla kifayətləniblər.

Qeyd edək ki, bundan əvvəl Onur Quluzadə ilə Yağmur Məmmədli qarışıq-qoşa, Mərziyyə Nurmətova ilə Aylin Əsgərova isə qoşa yarışlarda bürünc mükafata yiyələnmişdilər. Onur Quluzadə həmçinin Dohada təşkil olunan “WTT Youth Contender Doha 2025” turnirinin gümüş medalını qazanmışdı.

• Stolüstü tennis üzrə ölkə birinciliyinin qalibləri müəyyənləşib
• Azərbaycan birinciliyinə start verilib
• ASTF rəsmiləri Londonda beynəlxalq tədbirə qatılıblar
• Azərbaycanın stolüstü tennisçiləri Çində beynəlxalq təlim-məşq toplanışına qatılacaqlar
• Stolüstü tennisçilərimiz Türkiyə Super Liqasının mükafatçısı olublar